Sunday, August 15, 2010

അബ്ദുല്‍ജബ്ബാര്‍ - ഇബ്രാഹിം അല്‍ ഹാശിമി

വിവ : ഇസ്മയില്‍ മേലടി

നല്ലവരിലൊരു നല്ലവന്‍

ദു:ഖം ചവച്ചിറക്കുന്നവന്‍
കോപ്പയിലെ ചായ പോലിറക്കുന്നവന്‍
ദു:ഖം സിഗരറ്റു പോലെരിക്കുന്നവന്‍
അബ്ദുല്‍ ജബ്ബാര്‍
കണ്ണുനകളില്‍ പ്രായത്തിന്റെ അഗ്നിയും
വീട്ടിലെ വര്‍ത്തമാനങ്ങളും പേറുന്നവന്‍
സ്വന്തം മണ്ണിനോടുള്ള പ്രേമം
ഒരു ഭ്രാന്തായി കൊണ്ടു നടക്കുന്നവന്‍
ഭാവിയെപറ്റിയുള്ള പ്രതീക്ഷകള്‍
സ്വപ്നമായി നെഞ്ചേറ്റിയവന്‍
അബ്ദുല്‍ജബ്ബാര്‍
അയാള്‍ വളരെ കുറച്ചു മാത്രം ഉറങ്ങുന്നു
ഈ ലോകത്തിലെ സന്തോഷങ്ങളൊക്കെ
നഷ്ടപ്പെടാതിരിക്കാന്‍
ഓരോ കൊച്ചു കാര്യങ്ങളും
ശ്രദ്ധിച്ചു കൊണ്ടേയിരിക്കുന്നു
ഉറങ്ങുമ്പോഴാകട്ടെ
പാതികൂമ്പിയ മിഴികളുമായി മാത്രം
ഉറങ്ങുന്നു.

No comments: