Sunday, August 15, 2010

പുനര്‍ജന്‍മം - ശിഹാബ്

വിവ : ഇസ്മയില്‍ മേലടി

നീയെന്‍ ജീവിതത്തില്‍
ഭാഗമായ് മാറിയ നാള്‍ മുതല്‍
പാതി മുഴുവനായ് മാറിയല്ലോ
നീയെന്‍ സത്തയായ് പരിണമിച്ചല്ലോ
ഇതെന്റെയേതോ ഭ്രാന്തമാം
കല്‍പനയെന്നു കരുതല്ലെ നീ
ഇരുമെയ്യായിരുന്നിരിക്കാം നാം
പക്ഷേ, അതിനിടയിലാദിനങ്ങള്‍
എത്ര വന്യമാം കടലുകള്‍ താണ്ടി
എന്‍ മുഖം പരുക്കനായിരുന്നിരിക്കാം
നിന്‍ വദനമോ വിളങ്ങീ ചേതോഹരം
നീ ഇവിടെ ...എന്നുള്ളിലിരിപ്പൂ
എന്‍ ഹൃത്തിന്നോരോസ്പന്ദനത്തിലും
ഓരോ ഞരമ്പില്‍ , ശരീരത്തിലാകെയും
തൊണ്ടക്കുഴിയിലോളമെത്തീ നീ
ഒടുവില്‍ ഞാന്‍ നീയാകുന്നൂ
ഈ മായികതയെന്നില്‍ കുടിയിരിക്കുന്നൂ
വാക്കുകള്‍ തന്‍ വീട്ടില്‍ കവിത കുടിയിരിക്കുമ്പോല്‍ ..

No comments: